Една од највлијателните политичарки во САД, Дијана Фајнштајн, почина на 90-годишна возраст по долго и тешко боледување, пренесуваат американските медиуми

Таа беше сенатор од Демократската партија и остана активна до нејзината смрт и покрај тешките здравствени проблеми.

Фајнштајн остана во своето место во Сенатот и покрај притисокот да поднесе оставка поради нејзиното здравје. Во Сенатот користела инвалидска количка, а помошниците и кажале како да гласа. Таа беше петтата најстара личност која служеше во Сенатот.

Родена е во 1933 година во Сан Франциско, од мајка Русинка и татко Евреин, а во политиката влезе во 1960 година.