Дворецот Версај во Париз е евакуиран поради дојава за поставена бомба, пренесува весникот „Фигаро“ повикувајќи се на полициски извори.

Се додава дека на веб-страницата moncommissariat.fr е добиена анонимна дојава, а дворецот ќе биде затворен до крајот на денот.

Претходно поради закана за поставена бомба беше затворен и познатиот музеј Лувр, јави француската ТВ БФМ, повикувајќи се на полициски извори.

Попладнево, пак, по откривањето на шише азотен оксид, беше евакуирана и една од салите на железничката станица Гар де Лион во Париз, од каде што тргнуваат главните железнички линии кон југоисточниот дел на Франција.