Петмина мажи, меѓу кои двајца српски државјани, беа уапсени во Шпанија под сомнение дека силувале девојка во Марбела на 5 март.

Како што наведуваат шпанските медиуми, пет мажи ја однеле девојката во хотел во Марбела и таму ја силувале.

Откако ги контактирале властите, девојчето веднаш било префрлено во болница во Коста дел Сол на тестови и лекарски прегледи.

Петмината мажи се на возраст од 19 до 32 години, од кои тројца се германски државјани, додека двајца се Срби. Тие веднаш биле однесени во полициската станица во Марбела, но набрзо биле пуштени да се бранат од слобода. Во тек е истрага.

Наводно, девојката прво била зашеметена, а потоа и силувана, но се чека изјавата и анализите на шпанската полиција.

Високиот суд на правдата на Андалузија го одобри ослободувањето на петмината осомничени на барање на одбраната и обвинителството.

Девојката на првото рочиште се појавила преку видео повик од родниот град, а според извори во моментов нема индиции дека нешто би можело да го поништи нејзиното сведочење, пренесуваат шпанските медиуми.