Украинскиот претседател Володимир Зеленски има право да избере кој ќе ја предводи украинската војска, а САД ефективно ќе соработуваат со неговиот нов воен командант, изјави висок претставник на Пентагон.

„Претседателот Зеленски е претседател на неговата земја и Украина, за разлика од Русија, има демократска цивилна контрола врз војската“, рече Селест Валандер, помошник на министерот за одбрана за меѓународна безбедност во Пентагон..

Зеленски го унапреди генерал-полковник Олександр Сирски, командант на копнените сили, кој ќе го замени Валериј Залужни, поранешен врховен командант на вооружените сили. Валандер го нарече Сирски „искусен, успешен командант“.

„САД го почитуваат и ќе соработуваат со кој и да биде избран од демократски избраната влада, лидерот, претседателот Зеленски, да биде негов врховен командант и ќе соработуваме ефикасно со генералот Сирски“, додаде Валандер.