Папата Франциско ја опиша војната како „лудило“ и го повтори својот апел за мир во Украина и Газа и другите области во светот погодени од конфликти.

„Да не заборавиме на народите кои војуваат. Војната е лудост, војната е секогаш пораз, рече Папата за време на генералната аудиенција во Ватикан“, пренесува италијанската новинска агенција „АНСА“.

Тој ги повика верниците да се молат „за луѓето во Палестина, Израел, Украина и на многу други места каде што има војна“.