Озлогласениот силувач Јозеф Фрицл, кој ја држеше својата ќерка во заробеништво 24 години и од кого таа роди седум деца, наводно бил забележан пред затворот како пие кафе во неколку локални кафулиња.

Австриецот беше затворен во 2009 година и осуден на доживотен затвор откако признал дека и направил седум деца на ќерката Елизабета, додека ја чувал во подрумот на својата куќа цели 24 години. Ова е едно од најтешките кривични дела пријавени во Австрија.

Меѓутоа, локалните медиуми сега пишуваат дека Фрицл, наводно, бил забележан во кафулињата во близина на неговиот затвор во Кремс на Дунав и дека наводно се подготвува за условно ослободување.

Угледниот регионален неделник „Бецирксблат“ пишува дека Фрицл бил „виден во разни кафулиња на Кремс“.

Уредничката на „Бецирксблат“, кој со години го следи случајот „Фрицл“, потврдил повеќекратни посети на осуденикот во кафулињата и бил забележан како пие кафе.

„Тоа е точно. Неколку луѓе, на кои целосно им верувам, ми кажаа дека го виделе. Не е само еден жител кој е убеден дека го видел. Оваа информација ја добив од неколку различни луѓе“, рече таа.

Ова е резултат на обидот да се ослободи Фрицл, кој сега има 88 години, од безбедното психијатриско крило на затворот Штејн.

По 15 години зад решетки, Фрицл ќе има право на условно ослободување во март оваа година според австриските закони за попустливост.

Затворениците за кои се оценува дека се подготвени за условно ослободување може да бидат ослободени во зависност од нивното однесување, психичката и физичката состојба.

Случајот на Фрицл, кој постојано бараше да биде ослободен, треба да го разгледаат судските и затворските службеници.

Покрај тоа што боледува од Алцхајмерова болест, се вели дека е и толку изнемоштен што му треба шетач за да се движи.

Аделхајд Кастнер, еден од најпознатите австриски психијатри, изјави дека Фрицл повеќе не е закана за општеството и нема да биде способен да врши никакви кривични дела.

Но, оставањето во затвор под надзор за кратки прошетки би било првиот чекор кон аклиматизирање на долгорочниот затвореник со надворешниот свет.

Корисниците на социјалните мрежи се згрозени од веста.

„Тој боледува од деменција, но може ли да оди на кафе? Нешто не е во ред тука“, „Помилување по вакво грозоморно злосторство? Ова е сосема неразбирливо“, „Ме боли тоа, што на ова суштество му е дозволено да шета наоколу. Што се случи со нашата земја?“, се само дел од коментарите на граѓаните.

Претставниците на правдата одбија да ги коментираат наводите дека на Фрицл му било дозволено да ги посетува локалните кафулиња како подготовка за неговото ослободување.