Неодамна објавените судски документи наречени „Досиеја Епштајн“ откриваат голем број познати личности кои се дружеле со осудениот педофил Џефри Епштајн.

Меѓу другото, се споменуваат Бил Клинтон, Доналд Трамп, Стивен Хокинг… Клучното место каде што Епштајн ги собрал своите моќни пријатели е приватен остров, кој во медиумите го нарекуваат „остров на оргии“. Епштајн се самоуби во затвор во 2019 година.

На островот пристигнувале гости од целиот свет и од највисоките нивоа на општеството: познати личности и научници и членови на кралски семејства кои слетувале со приватни авиони.

Островот за кој станува збор се вика Сент Џејмс, приватен рај на американските Девствени острови, кои милијардерот и осудениот педофил Џефри Епштајн го нарекол свој дом.

Кривичната пријава на државниот обвинител го опиша како „совршено скривалиште и засолниште за трговија со млади жени и малолетни девојчиња за сексуално ропство, злоупотреба на деца и сексуален напад“.

На островот секогаш имало жени, како што велат мештаните, сомнително млади, во друштво на Епштајн или некој од неговите многубројни гости.

На островот имало околу 70 вработени, од чувари до градинари и чистачи. Тие носеле црни или бели поло маици и се заколнале на строга тајност, со инструкции да се држат настрана од Епштајн кога ја вршат својата работа. Исто така, им бил забранет влез во која било од двете канцеларии на Епштајн на главниот имот, од кои во едната имало челичен сеф.

Тоа било во просториите на островот каде што се случувало сексуалното злоставување, обично на малолетници.

Познати имиња на кои наводно домаќин бил Епштајн се Стивен Хокинг, нобеловецот Лоренс Краус, комичарот Крис Такер, актерот Кевин Спејси, манекенката Наоми Кембел, поранешен помошник на Тони Блер, лордот Питер Менделсон и принцот Ендру.

Некои тврдат, а тоа е наведено и во судските документи, дека гостин бил и Бил Клинтон, иако тој негира дека некогаш бил таму. Доналд Трамп наводно летал со еден од приватните авиони на Епштајн, но не е јасно дали го посетил островот.

Се споменуваат и Мајкл Џексон, Мадона, актерите Леонардо ди Каприо, Кејт Бланшет, Наоми Кембел, Камерон Дијаз и Брус Вилис.

Џефри Епштајн беше милијардер познат по дружењето со познати личности, политичари, милијардери и академски ѕвезди. Тој првично беше уапсен во Палм Бич, Флорида во 2005 година, откако беше обвинет дека платил 14-годишно девојче за секс.