– Најмалку шест луѓе загинаа, а четворица се водат како исчезнати во поплавите во североисточната провинција Џилин.

Околу 18.000 луѓе се евакуирани и поставени се 21 објект за привремено сместување на загрозените жители.

Поплавите во североисточниот дел на Кина се предизвикани од тајфунот Доксури.

Во кинескиот град Далиан, провинцијата Лиаонинг, надојдената вода исфрли на улица стара кинеска подморница, која со години беше музејски експонат.

Кинеските власти пред два дена соопштија дека во поплавите минатиот месец загинале најмалку 147 луѓе.