Полска ќе им даде можност на своите граѓани да го кажат своето мислење дали треба да се задржи оградата долж границата со Белорусија, објави денеска министерот за одбрана Мариуш Блашчак,јави ДПА.

Референдумот ќе се одржи на 15 октомври во исто време со парламентарните избори.

Иако изградбата на оградата беше критикувана од опозициските политичари, во моментов нема значително противење на објектот со оглед на ситуацијата – Белорусија е близок сојузник на Русија.

Во последно време во Полска расте загриженоста за активностите на руските платеници од приватната воена компанија „Вагнер“ во Белорусија и за зголемениот број илегални мигранти од кризните региони кои сакаат да влезат во Европската унија.

Минатата година Полска ги обезбеди копнените делови од 418-километарската граница со Белорусија со ограда висока 5,5 метри, јави ДПА.