Според дефиницијата на Меѓународната агенција за атомска енергија (МААЕ), Иран има доволно ураниум збогатен до 60 проценти чистота или блиску до нивото потребно за производство на оружје, што е доволно за три атомски бомби, според доверливите извештаи на МААЕ презентирани денес.

Забележано е и дека Техеран сè уште ја опструира агенцијата кога станува збор за контрола над клучните прашања, објави Ројтерс.

Залихите на ураниум во Иран, збогатен до 60 отсто, се зголемија на 128,3 килограми или за 6,7 од последниот извештај на 4 септември.

Ова е повеќе од три пати над дозволеното, или приближно 42 килограми, што, според дефиницијата на МААЕ, теоретски е доволно за нуклеарна бомба доколку дополнително се збогати.

За да може ураниумот да биде на ниво на кое е можно да се произведе бомба, треба да биде со околу 90 проценти чистота.