Британскиот крал Чарлс денеска беше отпуштен од болница по тридневна хоспитализација поради зголемена простата, покажаа телевизиските снимки.

Чарлс (75), кој во петокот беше примен на операција, ја поздрави толпата додека ја напушташе клиниката во Лондон и се упати кон дома придружуван од сопругата, кралицата Камила.

Тој замина неколку часа откако неговата снаа Кејт, принцезата од Велс, исто така ја напушти истата болница каде што помина две недели закрепнувајќи од операцијата на стомакот.

Кралот пристигнал во клиниката со Камила во петокот наутро. Палатата минатата недела објави дека тој ќе биде подложен на рутинска операција на простатата.

За да се одмори, Чарлс минатата недела откажа неколку јавни ангажмани, а по операцијата ќе мора да помине извесно време во пократко закрепнување.

Принцезата Кејт (42) беше хоспитализирана на 16 јануари во истата лондонска клиника.