Групата која тврди дека стои зад неодамнешниот напад во рускиот пограничен регион Белгород, рече дека ќе изврши нови напади.

Денис Капустин (исто така познат како Денис Никитин), командант на рускиот волонтерски корпус, рече: „Ќе се видиме повторно од руска страна. Не можам да ги откријам големите работи што доаѓаат, не можам да ја откријам ниту насоката. Границата е прилично долга, но повторно ќе има места каде работите ќе се вжештуваат“.

Тој истакна дека неговите борци против Путин долго време држеле „околу 42 квадратни километри“ руската територија.

„Ние се бориме за слобода, се бориме против неправдата, значи се бориме против тортурата, се бориме против ужасните акти на полициска бруталност“, рече тој.