Сите московски аеродроми се буквално во хаотична состојба, пишува британскиот печат, поради новите напади со беспилотни летала врз руската престолнина.

Сите дојдовни и појдовни летови се откажани поради напади со беспилотни летала камикази, наводно испратени од Украина, пишуваат медиумите.

Според извештаите на надлежните служби, утринава во Москва се слушнале експлозии, а градскиот противвоздушен систем успеал да лоцира и собори два дрона.

Сепак, како што пренесуваат агенциите, две лица се повредени при пад на делови од соборениот дрон.

Соопштено е дека остатоците од еден од двете беспилотни летала што денеска ги пресретнаа руските воздухопловни сили паднале врз градинарска куќа во градски округ, пренесува „Известија“.