Климатски активисти од групата Последна генерација утрово го запреа воздушниот сообраќај на два големи германски аеродроми, јави ДПА.

Членовите на активистичката група поминаа низ безбедносните контроли на аеродромите во Хамбург и Дизелдорф и се залепија на асфалтот.

Протестот се совпадна со почетокот на летните одмори во Хамбург.

Аеродромот во Хамбург утрото на Твитер информира дека летовите биле прекинати бидејќи неовластени лица добиле пристап до локацијата. Првично не беше јасно колку сериозно е нарушен воздушниот сообраќај.

Еколошките активисти на Твитер напишаа: „Протестираме против недостигот на план на владата и кршењето на законот во климатската криза“.

Портпаролот на полицијата во Хамбург потврди дека е спроведена операција на аеродромот.

Во исто време, во Дизелдорф, неколку активисти на Последната генерација се залепија на такси-пат до аеродромските писти, блокирајќи ги авионите да полетаат. Климатските активисти рекоа дека ја преселе оградата за да стигнат до пистите.

Активистите на „Последната генерација“ изведоа неколку акции во минатото за да ја истакнат еколошката штета што ја предизвикуваат фосилните горива.