Амбасадорот на Кина во САД рече дека има позитивни знаци на стабилизација во кинеско-американските односи, но тие сè уште се соочуваат со предизвици додека лидерите на двете земји се подготвуваат за очекуваниот состанок овој месец.

Најважно е да се најде вистинскиот начин Кина и САД да се договорат, изјави вчера Ксие Фенг на Форумот за американско-кинески односи во Хонг Конг.

Ксие рече дека се видливи позитивни знаци во односите меѓу двете земји под водство на кинескиот претседател Кси Џинпинг и американскиот претседател Џо Бајден и со заеднички напори на двете страни.

„Односите меѓу Кина и САД се уште се соочуваат со големи предизвици и има уште долг пат да се помине за да се стабилизираат и подобрат односите“, рече Ксие.

Тој додаде дека двете страни веруваат дека е корисно и неопходно Кина и САД да одржат дијалог, со надеж дека односите меѓу двете земји ќе се стабилизираат и подобрат што е можно поскоро.

Се очекува Кси и Бајден да се сретнат на маргините на форумот за Азиско-пацифичка економска соработка (APEC) во Сан Франциско, кој започнува на 15 ноември.

Двајцата лидери, кои беа во несогласувања за низа глобални прашања, вклучително и трговијата, националната безбедност и Тајван, последен пат се сретнаа пред речиси една година на маргините на самитот на Г-20 во Бали.