Севернокорејскиот лидер Ким Џонг Ун го надгледуваше тестирањето на стратешки ракети, објави денеска државната новинска агенција „КСНА“, додека Јужна Кореја и Соединетите држави ги започнаа годишните воени вежби кои Пјонгјанг ги гледа како проба за војна.

Ким Џонг ја посети флотата стационирана на источниот брег за да го надгледува тестот на воен брод, соопшти „КСНА“

„Лансирањето имаше за цел да ја потврди борбената функција на бродот и карактеристиките на неговиот ракетен систем, истовремено подобрувајќи ја способноста на морнарите да извршат нападна мисија во вистинска војна“, соопшти агенцијата. Тие исто така соопштија дека ракетата на бродот ја погодила целта.

Лансирањето на ракетата следи по летните воени вежби на Јужна Кореја и САД, дизајнирани да ги подобрат нивните заеднички одговори на севернокорејските нуклеарни и ракетни закани.

Пјонгјанг ги осуди воените вежби на сојузниците како проба за нуклеарна војна.

Војската на Јужна Кореја соопшти дека овогодинешните вежби ќе се одржат во најголем обем досега, во кој ќе учествуваат десетици илјади војници од двете страни, како и некои земји-членки на Командата на ОН.

Во текот на изминатите две години, Северна Кореја ги тестираше, како што ги нарекува, „стратешки крстосувачки ракети“, за кои некои аналитичари велат дека може да бидат наметнати со нуклеарни боеви глави.