Катар рече дека преговорите за ослободување на заложниците кои Хамас ги зеде за време на нападот на 7 октомври се во „критична и последна фаза“.

„Тајмс оф Исреал“ објави дека портпаролот на катарското Министерство за надворешни работи, Маџед Ал-Ансари изјавил дека „ние сме најблиската точка на која некогаш сме биле до постигнување договор“, додавајќи дека преговорите се во „критична и финална фаза“.

Извор на Ројтерс рече дека договорот ќе вклучува повеќедневна пауза во непријателствата, ослободување на околу 50 цивилни заложници од страна на Хамас и ослободување на палестински жени и деца од израелски притвор, според изворот што го објави Ројтерс.