Специјалниот известувач на ОН за окупираните палестински територии, Франческа Албанезе, изјави за Скај њуз дека самоодбраната „има правила“ и дека не вклучува „недискриминирачки напади врз цивили или гладување или неселективно уништување“ на инфраструктурата.

„Целосното уништување што е прогласено е намера да се извршат воени злосторства и уште полошо. Гладувањето е злосторство и може да доведе до злосторства против човештвото“, предупредува известувачот на ОН.

Вели дека фокусот треба да биде на „поширокиот проблем“ што го создава овој конфликт – окупација што го „угнетува палестинскиот народ“.