Црногорската полиција соопшти дека утринава во Бар го уапсила Дино Ибрахимовиќ (28), кој е осомничен за бруталното убиство на Едмонд Мустафа (29), за кој се верува дека е член на организираната криминална група Шкалјари.

Полицијата соопшти и дека осомничениот откако испукал десетина истрели побегнал од местото на злосторството.

„Во исклучително краток временски период, а врз основа на описот на сторителот на кривичното дело, ефикасната реакција на службениците на Регионалниот центар за безбедност „Југ“ и ефективно и навремено поставување на службата, осомничениот Д.И. е спречен да побегне и е лишен од слобода. Во таа прилика управувал електричен тротинет и носел кацига“, соопшти полицијата.

Оттаму додаваат дека, според оперативните сознанија, двете лица се членови на криминална група која дејствувала на црногорското крајбрежје.

„Покрај тоа, Д.И. веќе се бара на меѓународно ниво – по него е распишана меѓународна потерница од земја со која правосудните органи на Црна Гора немаат потпишано договор за екстрадиција“, се додава во соопштението.