Иран погуби маж осуден за шпионажа за израелската разузнавачка служба и протекување чувствителни информации, објави во среда иранската судска новинска агенција Мизан, а пренесува Ројтерс.

Новинската агенција Мизан го идентификуваше мажот како Мехди Фарид. Таа рече дека работел во единица за цивилна одбрана во рамките на чувствителна организација и го користел својот пристап за собирање и пренесување информации до израелскиот Мосад.

Смртната казна беше потврдена од Врховниот суд и извршена по завршувањето на законската постапка, се вели во соопштението на Мизан.