Иран започна со изградба на четири нуклеарни централи со вкупен капацитет од 5.000 мегавати, објави државната новинска агенција ИРНА.

Нуклеарните централи се градат во пристанишниот град Сирик, на јужниот брег на Иран, 1.150 километри јужно од главниот град Техеран.

Предвидено е изградбата на четирите нуклеарни централи да трае девет години. Проектот ќе чини 20 милијарди долари и ќе отвори 4.000 работни места. Се очекува секоја централа да користи 35 тони нуклеарно гориво годишно.

Иран сака да достигне 20.000 мегавати во нуклеарните централи до 2041 година.