Американскиот министер за одбрана Пит Хегсет остро го критикуваше демократскиот сенатор и пензиониран капетан на морнарицата Марк Кели за неговите тврдења дека американските залихи на муниција се „осиромашени“.
„Капетанот Марк Кели повторно напаѓа“, напиша Хегсет на мрежата Икс, обвинувајќи го сенаторот дека презентирал лажни информации на телевизија од класифициран брифинг во Пентагон на кој присуствувал.
“Captain” Mark Kelly strikes again.
Now he’s blabbing on TV (falsely & dumbly) about a *CLASSIFIED* Pentagon briefing he received.
Did he violate his oath…again? @DeptofWar legal counsel will review. https://t.co/mPBZHxZqpr
— Pete Hegseth (@PeteHegseth) May 10, 2026
Кели е еден од најгласните критичари на администрацијата на Трамп, особено поради недостатокот на јасен план за време на воздушните напади врз Иран што траеја од крајот на февруари до почетокот на април. Конфликтот меѓу сенаторот и Белата куќа се пресели и на суд, откако администрацијата се обиде да го казни Кели за тоа што ги повика војниците да одбијат „нелегални наредби“ поврзани со распоредувањето на Националната гарда во градовите и рациите на бродовите на шверцерите на дрога.
Сепак, обидот на владата да го осуди сенаторот наиде на отпор од судовите. Тричлен панел на Апелациониот суд во Вашингтон ги критикуваше постапките на администрацијата, додека Кели продолжува да го тужи Пентагон. Адвокатите на сенаторот тврдат дека обидите за негово деградирање и намалување на неговата пензија се директен напад врз слободата на говорот загарантирана со Првиот амандман од Уставот на САД.
