Сирените за тревога се огласија во Тел Авив и околните области откако Хамас истрела ракети длабоко во Израел. Палестинската милитантна група тоа го опиша како одговор на зголемениот број цивилни жртви во Газа. Медицинските служби известија дека две жени во Тел Авив имаат рани од шрапнели од ракетен истрел.

Хамас ги лансираше ракетите по релативно затишје во ракетниот оган додека израелските сили спроведуваат копнена офанзива во Газа, во петтата недела од војната.

Војската објави дека околу 9.500 проектили, ракети и беспилотни летала биле истрелани врз Израел од Газа и други области од 7 октомври, а 2.000 од нив биле соборени од противвоздушна одбрана дизајнирана да ги игнорира проектилите што ќе слетаат во области каде што не можат да предизвикаат штета.

Околу 12 отсто од ракетите истрелани од Газа, кои се главно локално произведени, паднале на палестинска територија, соопшти израелската војска.

„Со влегувањето на израелските копнени сили во Газа, дојде до значително намалување на бројот на лансирања“, соопшти армијата.