Два авиони на „ЏетБлу“ се судрија на пистата на аеродромот Логан во Бостон.

Како што пренесува Дејли Мејл, авионите се судриле на пистата додека во двата авиони имало патници. Оштетени се крилата на еден авион.

Авионите се судриле кога едниот бил на пат кон Лас Вегас, додека другиот на пат кон Орландо.

„Левото крило на „ЏетБлу Флајт 777“ удри во десниот стабилизатор на „ЏетБлу Флајт 551“ приближно во 6:40 часот по локално време во четвртокот, 8 февруари, додека се наоѓаше на подлогата за одмрзнување на меѓународниот аеродром во Бостон, Логан“, се вели во соопштението.