Европскиот парламент се согласи да отвори канцеларија во Украина за да ја зголеми поддршката за украинскиот парламент, по барање на највисоките функционери на украинската влада, се вели во документот од бирото на Европскиот парламент, во кој имал увид „Еурактив“.

Одлуката усвоена во понеделникот вечерта има за цел да ги олесни односите со украинскиот парламент, особено да го поврзе со соодветните комисии на Европскиот парламент и да ја олесни административната работа.

Бирото е тело на Европскиот парламент одговорно за административни одлуки за внатрешното функционирање на институцијата.

Европскиот парламент има Канцеларија за врски за секоја земја-членка, која помага во контактот на Парламентот со земјите-членки.