– Естонскиот министер за надворешни работи, Маргус Цахна во интервју за ДПА рече дека неговите колеги од Европската унија мора да сфатат дека Кина сè повеќе ја користи економската зависност на блокот како политичка алатка.

– Мораме да сфатиме дека Кина ги користи своите економски односи со ЕУ за политичко влијание, рече Цахна.

– Мораме да дејствуваме заедно. Обединети можеме да се спротивставиме на притисокот. Севкупно, ние сме прилично голема економија, додаде тој.

Кинескиот министер за надворешни работи, Чин Ганг, претходно оваа недела остро ги критикуваше новите предложени санкции на ЕУ против Русија, кои потенцијално би можеле да казнат и некои кинески компании кои и помагаат на Русија да ги избегне ограничувањата на ЕУ.

– Ние сме премногу зависни економски, рече Цахна, повикувајќи ја ЕУ да ги зголеми сопствените капацитети во клучните сектори, како микрочиповите.