Едногодишно бебе од Воскресенск кај Москва доживеало струен удар додека си играло со ТВ-кабел.

Девојчето е пренесено во болница со изгореници на јазикот и слузокожата во устата.

Се движела низ станот кога го здогледала ТВ-кабелот во дневната соба. Љубопитна, отишла да истражува и извадила електрична жица што ја ставила во устата.

Веднаш добила струен удар, а од болки и шок, девојчето почнало да плаче.

Мајката и таткото, кои во тоа време биле во кујната и подготвувале оброк, веднаш втрчале во дневната соба.

Веднаш ја однеле во болница каде и укажале прва помош и ја оставиле на понатамошно лекување, пренесуваат руските медиуми.

Лекарите не сакаат да прават претпоставки за понатамошниот тек на лекувањето на девојчето, како и претпоставки за тоа кога би можела да се подобри нејзината ситуација.

На родителите им се препорачува да ги проверат сите електрични жици во просторот каде што се малите деца и да внимаваат на нив додека си играат.