Единствениот преживеан член на планинарската експедиција која прва го освои Монт Еверест, Канча, изјави дека секогаш има премногу луѓе на највисокиот врв во светот и дека има многу ѓубре што го оставаат алпинистите.

Канча во интервју во Катманду рече дека смета дека треба да се намали бројот на планинари и посочи дека тие фрлаат лименки и конзерви за храна кои никој не може да ги подигне, пренесува „АП“.

За тибетските шерпаси Еверест е Комолангма или мајка божица на светот.

„Не треба да ја загадуваат планината. Тоа е нашиот најголем бог и не треба да ги загадуваат боговите“, посочи Канча.

Долго време постои загриженост за бројот на планинари на Монт Еверест, но властите не планираат да го намалат бројот на дозволи што им ги издаваат на планинарите, наведува АП.

Правилата бараат од планинарите да го земат своето ѓубре, опрема и се што ќе понесат на планината или ризикуваат да го загубат својот депозит, но спроведувањето на тие правила не е ефективно.

Како млад, Канча (91) беше меѓу 35-те членови на тимот кои се искачи на Монт Еверест.