Лекарите на УКЦ во Приштина успеале да го спасат животот на едногодишно дете кое проголтало дел од пластична играчка.

Во објава на страницата на Фејсбук, УКЦ наведува дека дел од играчката го блокирала душникот на детето, ставајќи го неговиот живот во опасност.

Детето било спасено со брзата интервенција на Итната помош, која го префрлила на Одделот за оториноларингологија, каде лекарите успеале да ја извлечат играчката, ослободувајќи му ги органите за дишење.

Лекарите апелираат и ги советуваат родителите да не ги оставаат децата сами и да не им даваат играчки или ситници кои би можеле да ги голтнат и да им го загрозат животот.