Четиригодишно девојче починало откако нејзиниот татко „заборавил“ дека неговата ќерка  спие во автомобил на жештините во Бразил.

Изи Гил де Оливеира почина во средата попладне во Алагоинхас, град во североисточната држава Баија.

Нејзиниот татко, требало да ја остави на училиште, но ја оставил на задното седиште во автомобилот додека бил на работа. Во тоа време, температурите во градот беа и до 31°C.

Таткото на Изи повикал полиција откако мајката на девојчето се јавила во нејзиното училиште бидејќи сакала да ја провери нејзината ќерка која имала симптоми слични на грип претходно тоа утро. Наместо тоа, училишните администратори и рекле на мајката околу 15 часот дека Изи не дошла на училиште тој ден.

Сведоците, според воената полиција, рекле дека мажот се упатил кон автомобилот во обид да го спаси животот на својата ќерка, објави Фала Алагоинхас Њуз.

Цивилната полиција го уапсила нејзиниот татко (40), кој се соочува со обвинение за убиство од небрежност. Таткото тврди дека „заборавил“ дека неговата ќерка спиела во задниот дел од неговиот автомобил кога отишол на работа. Тој бил сослушан во полиција и пуштен со кауција.