Украина може да влезе во НАТО кога ќе завршат борбите против Русија, кога нејзините граници ќе станат стабилни и кога ќе може да придонесе за безбедноста на Алијансата, изјави претставникот на Чешка во таа воена алијанса Јакуб Ландовски.

Ландовски рече дека историскиот преседан укажува дека мировниот договор меѓу Киев и Москва можеби не е неопходен за членство, но дека Украина ќе одлучи за тоа кога ќе заврши конфликтот.

„Треба да престане директното непријателство“, изјави Ландовски во МНР во близина на Прашкиот замок, пренесува Блумберг.

„Но, на крајот, единствената страна која треба да одговори на прашањето каде е границата е Украина. Никој од надвор не може ни да коментира за тоа“, додаде тој.

Алијансата од 31 членка и понуди на Украина во јули да и дозволи на крајот да се приклучи, заедно со новите безбедносни гаранции на Групата седум. Но, таа временска рамка останува нејасна, бидејќи НАТО не може да прими нови членки кои се во војна, бидејќи тоа автоматски ќе ја активира нивната обврска да ја бранат таа земја.

Унгарскиот премиер Виктор Орбан го повика Западот да направи договор со Кремљ кој не треба да се однесува на Крим или членство во НАТО.

Во интервју за новинарот Такер Карлсон, Орбан рече дека е сосема нереално Моксва да го предаде Крим.

Ландовски изрази изненаденост од коментарите на Орбан и го повтори тврдењето на лидерите на НАТО дека за Украина не одлучуваат други земји.

„Единствениот ентитет што може да размислува, замисли или зборува за овие работи е Украина“, рече тој.

Ландовски, исто така, рече дека е уверен оти Унгарија и Турција, кои се противат на проширувањето на НАТО во Шведска, ќе се договорат во наредните месеци, но дека на процесот му треба повеќе време за дипломатија и градење консензус.

„Уверен сум дека тоа ќе се случи во догледна иднина, до пролетта следната година“, рече тој.