Братот на Шани Лук, 23-годишната Германка која беше убиена од терористите на Хамас на фестивалот, зборуваше за Sky News. Тој ги одвел новинарите на местото каде што имал бројни разговори со неговата сестра.

Оваа недела семејството доби вест дека фрагменти од черепот на Шани се пронајдени на местото на музичкиот фестивал Нова.

Последен пат ја слушнале на телефон додека се обидувала да побегне од Хамас.

„Таа рече дека заминува веднаш, да не се грижиме“, рече Амит. Но, таа не беше безбедна. „Терористите чекаа на патот“, вели нејзиниот брат.

Потоа се појави видео објавено од Хамас кое го потресе светот. Телото на Шани беше видено со лицето надолу и голо во пикап додека парадираа низ Газа.

„Никогаш не помислив дека ќе бидам во контакт со вакво видео, дека ќе ја видам сестра ми во таква брутална ситуација“, вели Амит.

Тие се надеваа дека Шани можеби се уште е жива, но оваа недела тропнаа на нивната врата израелски војници со веста дека на местото на фестивалот бил пронајден фрагмент од черепот на Шани.

„Кога ќе видите војници во куќа, знаете дека вестите се лоши“, вели Амит. Сепак, му олеснало бидејќи, за разлика од другите семејства во Израел, знае каде е неговата сестра.

“Таа ја сакаше музиката. Сакаше тетоважи. Таа беше уметничка душа по природа. Начинот на кој зборуваше и начинот на кој се движеше. Начинот на кој танцуваше”, се сеќава Амит.

„Немаше темна страна, само беше чист ангел“, додава тој.