Фудбалската репрезентација на Македонија, речиси сигурно ќе биде во третиот шешир кога ќе бидат одредени квалификациските групи за пласман на Европското првенство во 2028 година.

Ждрепката ќе се одржи на 6 декември, а шеширите ќе бидат формирани врз основа на настапот во Лигата на нации.

Извесно е дека Македонија во квалификациите нема да може да игра против: осово, Шкотска, Унгарија, Полска, Грузија, Романија, Израел, Словачка, Црна Гора, Албанија и Исланд.

Составот на првиот шешир е во голема мера дефиниран и речиси е сигурно дека нема да има поместувања.

Шешири за квалификациите за ЕП:

Шешир 1: Шпанија, Португалија, Франција, Англија, Грција, Холандија, Хрватска, Германија, Белгија, Италија, Норвешка, Данска.

Шешир 2: Велс, Турција, Србија, Чешка, Швајцарија, Австрија, Шведска, Украина, БиХ, Северна Ирска, Словенија, Република Ирска.

Шешир 3: Косово, Шкотска, Унгарија, Полска, Грузија, Романија, Македонија, Израел, Словачка, Црна Гора, Албанија, Исланд.

Шешир 4: Финска, Луксембург, Естонија, Ерменија, Белорусија, Бугарија, Казахстан, Кипар, Фарски Острови, Латвија, Молдавија, Сан Марино.

Шешир 5: Малта, Литванија, Азербејџан, Гибралтар, Андора, Лихтенштајн.

Квалификациите ќе се состојат од 12 групи, од кои половината ќе имаат четири репрезентации. Победниците од групите одат директно на ЕУРО 2028, како и осумте најдобри второпласирани репрезентации.

Квалификациите за Европското првенство започнуваат во март 2027 година.

Foto/ ffm.mk