Кошаркарите на Сан Антонио Спарс поведоа со 3:2 во полуфиналната серија од Западната конференција, откако во петтиот натпревар ги декласираа Минесота Тимбервулвс со 126:97.

Виктор Вембањама блескаше кај Спарс, кој одговори откако беше исклучен во првата четвртина, во четвртиот меч од серијата.

Францускиот центар и најдобар дефанзивец оваа сезона, натпреварот го заврши со 27 поени, 17 скока, пет асистенции и три блокади. На само 22 години, тој стана третиот најмлад играч во историјата на НБА со ваков настап во плејоф натпревар, зад Меџик Џонсон и Лука Дончиќ.

Вембањама доби голема помош од Келдон Џонсон, кој постигна 21 поен, додека Диерон Фокс додаде 18, а Стефон Касл 17 поени. Сан Антонио сега има шанса да обезбеди место во финалето на Западната конференција, каде што го чека Оклахома, во шестиот натпревар во Минеаполис.

На спротивната страна, Ентони Едвардс го заврши натпреварот со 20 поени по слабото прво полувреме, додека Џулиус Рендл и Џејден МекДениелс постигнаа по 17.