На каналот на Црвена звезда почна да се емитува серијата „Ултрас, приказната на Тими“ за историјата на навивачката група позната како „Делии“.

Зоран Тимиќ Тима, кој беше предводник на навивачите на Звезда во осумдесетите и деведесетите, во првата епизода зборува за своите почетоци на трибината.

Особено импресивна беше неговата приказна за морничав план во средината на осумдесеттите во врска со Дражен Петровиќ, која ги шокираше сите.

„Петровиќ тогаш беше најдобриот играч на Цибона, со кого Звезда се мачеше и сакавме да го неутрализираме. Прво сакавме да го исплашиме и да му се закануваме, а потоа да го истепаме. Идеите стануваа се порадикалини, па затоа дојдовме до тој степен што сакавме да му ги скршиме нозете пред важен меч против Звезда. Го следевме неколку дена во Загреб, но беше доста тешко, бидејќи тогаш немаше мобилни телефони. Но, ја дознавме неговата рутина, каде оди после тренинг, во кое кафуле седи, каде живее“, вели Тима.

„Проблемот беше што тој никогаш не одеше сам, секогаш беше со девојка или друштво. Се вративме во Белград и се договоривме да го направиме сето тоа кога ќе дојде решавачкиот меч против со Цибона таа сезона. Но, тогаш загубивме веќе во полуфиналето, па немаше потреба од такво нешто“.