Австралискиот спринтер Лахлан Кенеди стана најбрзиот бел човек во историјата на атлетиката. Делницата од 100 метри ја истрча за 9,85 секунди.
Кенеди го постигна најголемиот успех во својата кариера освојувајќи сребрен медал на Игрите на Комонвелтот во Глазгов.
22-годишниот Австралиец имаше одличен почеток и беше во водство до 60-тиот метар, но во финишот беше престигнат од Камерунецот Емануел Есеми, кој победи со време од 9,83 секунди, што е и рекорд на Игрите.
Неговиот резултат претставува и најдобро време истрчано од бел спринтер, надминувајќи го претходниот рекорд на Американецот Сем Блашковски (9,89).
Неговите 9,85 секунди ќе беа доволни за петтото место во финалето на Олимписките игри во Париз, а со оовј резултат ќе ја освоеше и бронзата на минатогодишното Светско првенство.
Commonwealth Games men’s 100m final (+1.3)
🥇9.83🇨🇲Emmanuel Eseme (NR, GR)
🥈9.85🇦🇺Lachlan Kennedy (NR, AR)
🥉9.90🇳🇬Kayinsola Ajayi
9.91🇿🇦Gift Leotlela
10.03🏴Jeremiah Azu pic.twitter.com/pokfqyZlqA— Travis Miller (@travismillerx13) July 28, 2026
„Мојата цел е секогаш да победувам, без разлика дали станува збор за Олимписките игри, Игрите на Комонвелтот или националното првенство. Не размислувам за моите ривали, само размислувам како ќе трчам“, рече Кенеди по финалето.
Австралиецот сега го насочува својот фокус кон трките на 200 метри и штафетата 4×100, каде што верува дека неговиот тим може да освои уште еден медал.
Foto/ EPA/JOEL CARRETT
