Фудбалерите на Манчестер jунајтед го освоија ФА купот откако го совладаа шампионот на Англија и големиот градски ривал Манчестер сити со 2:1.

Двата гола „црвените ѓаволи“ ги постигнаа во првото полувреме, во интервал од само осум минути. Стрелци 19-годишниците Алехандро Гарнаџо во 30. минута по големата грешка на Јошко Гвардиол и голманот Ортега, вториот Коби Мајно по одличната асистенција на капитенот Бруно Фернадес.

Сити намали во 87. минута преку Џереми Доку, по лошата реакција на голманот Онана, но тоа не беше доволно „граѓаните“ да останат непоразени.

Манчестер јунајтед со трофејот во ФА купот малку го поправија впечатокот за најлошата сезона од освоновањто на Премиер лигата. Јунајтед сезонава доживеа 14 порази во првенството и сезоната ја заврши на осмото место.

Со ова победа Јунајтед избори место во Лига Европа.