Фудбалерите на Челзи го прекинаа седум годишниот поста против Манчестер јунајтед. Во спектакуларен меч, еден од најдобрите оваа сезона во Премиер лигата, Челси славеа со 4:3. Головите за победа ги постигна најдобриот играч на „сините“, Кол Палмер во 100. и 101. минута.

Челзи дојде до предност од два гола во воведните 20 минути и се чинеше дека ќе запише рутинска победа.

Конор Галагер по три и пол минути првпат госовлада Андре Онана. Во 19. минута беше 2:0 на семафорот додека Кол Палмер го реализираше седмиот пенал сезонава, што е половина од неговите голови во лигата (14).

Пресвртот го најави Алехандро Гарначо со гол во 34. минута, а само пет минути подоцна португалската врска Дало-Фернандеш донесе израмнување.

Целосен пресврт направи Гарначо со својот втор гол во 64.минута. Резултатот 2:3 на семафорот стоеше 34 минута.

Во 100. минута Палмер повторно погоди од белата точка. Пеналот го избори Мадуеке, врз кого несмасно стартуаше Дало.

Само Френк Лампард (10) има постигнато повеќе голови од „белата точка“ во една сезона за Челзи од него (8).

Веќе во следниот напад Челси доби корнер, Палмер остана сам во шеснаесетникот упати силен удар, топката на патото кон голот удри во Мектомини и заврши во голот.

Ливерпул влезе во овој меч како големи фаворити, но се изнамачија за да дојдат до трите бода. Во 17. минута по големата на голманот на Шефилд, Иво Грбиќ Чиверпул дојде до предност. Хрватскиот интернационалец сакаше да ја исфрли топката, натрча Нуњез, скокна во блокот, топката го удри и заврши во мрежата.

Во 58. минута шок на „Енфилд“, контрата на Шефилд беше крунисана со автогол на Бредли, кој не реагираше добро по ударот со глава на Бреретон Дијаз.

Во 77. минута Мекалистер со вистински „проектил“ му донесе нова предност на Ливерпул и го спаси од потенцијален кикс, а победата ја потврди Гакпо во 90. минута.

Ливерпул со овој триумф се врати на челната позиција на табелата. „Црвените“ имаат два бода повеќе од Арсенал и три од Манчестер сити.