Фудбалерите на Јувентус го декласираа Ал Аин во првото коло од Групата Г на Светското клупско првенство.

Тимот од Торино победи со 5:0, а сите голови ги постигнаа стартерите во нападот на Јувентус.

„Старата дама“ прашањето околу конечниот победник го реши во првите 45 минути. Тренерот Игор Тудор, во нападот го избра триото Консеисао, Коло Муани и Јилдиз, а тие постигнаа четири гола во првото полувреме.

Францускиот напаѓач ја отвори серијата во 11-та минута, а десет минути подоцна предноста ја зголеми Консеисао.

По половина час игра, беше јасно дека Јувентус слави, Јилдиз постигна гол, а кон крајот на полувремето, Коло Муани повторно ја затресе мрежата.

Ал Аин беше целосно немоќен во текот на целиот натпревар, а „петардата“ ја комплетираше Консеисао со вториот гол на натпреварот во 58-та минута.