Детроит Пистонс ја прекинаа серијата од 28 порази. Тимот на Монти Вилијамс славеше во Торонто против Репторс со резултат 129:127.

Детроит го изедначи најлошиот скор во историјата на НБА, кој беше во сопственост на Филалделфија од сезоните 2014/15 и 2015/16 .

Меѓутоа, ако го гледаме американскиот спорт во целина, најлоши се Чикаго Кардиналс од НФЛ лигата, со серија од 29 последователни порази во средината на минатиот век.

И на овој меч најдобар беше лидерот на Детроит Кејд Канингем со 30 поени и 12 асистенции, Бојан Богдановиќ постигна 19, додека Џејлен Дурен имаше 18 поени и дури 17 скока.

Најефикасен кај Торонто беше Паскал Сијакам со 35 поени, Денис Шрудер додаде 30, а Скоти Барнс 22 со девет асистенции.

Далас во дербито славеа победа во Сан Франциско над Голден стејт со 132:122. Лука Дончиќ го предводеше Далас со 39 поени и 10 асистенции. Словенецот во второто полувреме постигна 29 поени.

Вориорс ги предводеше Стеф Кари со 25 поени. Крис Пол оваа сезона постигна рекордни 24 поени, а тој учинок го стави на посебно место во историјата на , стана 37-ми играч во историјата на најсилната лига со 22.000 поени.

На преостанатите средби, ниту 38 поени на Ди Виченцо не им беа доволни да го избегнат поразот од (140:126), додека Чикаго без Никола Вучевиќ ја совлада Филаделфија за која не настапи Џоел Ембиид со резултат 105:92.

Во неизвесен дуел помеѓу Минесота и Лејкерс победија Тимбервулфс со резултат 108:106. Најдобар актер на средбата беше Ентони Дејвис со 33 поени и 17 скока, додека Ентони Едвардс на другата страна имаше 31 поен.

НБА, резултати

Јута – Мајами 117:109
Детроит – Торонто 129:127
Индијана – Њујорк 140:126
Минесота – ЛА Лејкерс 108:106
Голден Стејт – Далас 122:132