Фудбалерите на Елверсберг продолжија да ја пишуваат најдобрата приказна на почетокот од новата сезона во Бундеслигата. Со спектакуларен пресврт ја победија Борусија во Менхенгладбах со 4:3.

Дебитантот во германската елита покажа неверојатен карактер и стигна до својата втора победа во исто толку натпревари, иако за време на средбата заостануваше со два гола.

Менхенгладбах поведе во 11-та минута преку Уго Болин, но Давид Моква Нтусу израмни во 29-та минута. Домашниот тим отиде на полувреме со предност, бидејќи Болин го погоди за 2:1 со својот втор гол во 44-та минута.

Кога Џо Скали погоди за 3:1 во 56-та минута, се чинеше дека Елверсберг ќе го претрпи првиот пораз во Бундеслигата. Гостите, сепак, не помислија да се предадат.

Михаел Кратенмахер го намали дефицитот во 66-та минута, а Фисник Кајдел го израмни резултатот во 80-та минута и најави драматична завршница.

Целосен пресврт се случи во третата минута од судиското продолжение. Со својот втор гол во натпреварот, Кратенмахер му донесе победа на Елверсберг од 4:3.

Така, по сензационалната победа над Баер Леверкузен со 3:2 на своето деби во Бундеслигата, Елверсберг победи уште еден реномиран противник. Клубот од град со само околу 13.000 жители штотуку влезе во највисокиот ранг, а по првите две кола има максимални шест бода и веќе е најпријатното изненадување на првенството.

Резултати:

Хофенхајм – Борусија Дортмунд 2:3 (1:0)
(Авдулаху 45 и Лемперле 54 – Гираси 61, Фабио Силва 66, Хајдари 87 (аг) )

Баер Леверкузен – Унион Берлин 4:0 (2:0)
(Фернандез 1, Медина 28, Шик 48, Маза 66)

Вердер Бремен – РБ Лајпциг 3:1 (1:0)
(Динкчи 4, Филкруг 68, Грил 80 – Баку 90+5)

Падерборн – Фрајбург 0:1 (0:1)
(Егештајн 26)

Foto/ EPA