Во спектакуларен натпревар на „Стемфорд Бриџ“, Челзи го победи Брајтон со 4:3 и со тоа му ја донесе првата победа на Хаби Алонсо на домашен терен во Премиер лигата.
„Сините“ поведоа со 3:0, потоа им дозволија на гостите да се вратат во натпреварот, но сепак успеаја да освојат три бода.
Домашниот тим поведе во четвртата минута. По центаршутот на Жоао Педро, Матс Вифер го блокираше ударот со глава, но во продолжението од акцијата дојде до недоразбирање со голманот Барт Вербруген. Ромео Лавија го искористи подарокот и ја испрати топката во мрежата.
Само десет минути подоцна, Челзи го дуплираше своето водство. Педро Нето погоди прецизно за 2:0.
Брајтон беше целосно надигран во почетниот дел од натпреварот, а лондонскиот тим го постигна третиот гол во 32-та минута. Џорел Хато ја повлече акцијата, а потоа го проигра Жоао Педро, кој рутински го заврши нападот за 3:0.
Гостите сепак успеаја да се вратат во живот пред да заминат на одмор. Малик Јалсује со фантастичен волеј и го намали дефицитот.
Брајтон продолжи со многу поголема решителност. Диего Гомес имаше одлична можност дополнително да го намали водството, но неговиот удар со глава заврши покрај голот.
Сепак, гостите го постигнаа вториот гол во 56-та минута. По корнер и вратена топка од Паскал Грос, топката го зафати Педро и заврши зад Емилијано Мартинез, кој го имаше своето деби на овој натпревар за Челзи. На истиот ден кога неговиот трансфер беше официјализиран.
Челзи потоа мораше да ја врати смиреноста, а Алонсо се обиде да ја врати контролата врз натпреварот со тројна замена. Неговиот потег вроди со плод.
Во 85-та минута, Кол Палмер со мајсторски шут од далечина ја испрати топката зад грбот на Вербруген и повторно му донесе предност од два гола на домашниот тим.
Брајтон не се предаде. Паскал Грос го намали резултатот на 4:3 со удар со глава во судиското продолжение, но беше предоцна за целосен пресврт.
Во преостанатите два натпревари, Сандерленд победи против Фулам (1:0) со голот на Вилсон Исидор во финишот, додека Лидс и Брентфорд ги поделија бодовите (1:1).
Foto/ EPA
