Судиските одлуки на натпреварот Реал Мадрид-Алмерија предизвикаа „земјотрес“ во Шпанија.
Најголемиот дел од спортската јавност се согласува дека Алмерија е брутално ограбена на „Сантијаго Бернабеу“ и дека главниот судија и судијата во ВАР собата не и дозволија на Алмерија против моќноот реал, среде Мадрид, да ја забележи првата победа во сезоната.
Спорна беше одлуката кога Реал доби пенал, а неверојатно е како никој од судиите и покрај тоа што ја гледаа снимката не забележа дека вториот гол за 2:2, Винисусис го постигна со рака.
Винисиус се огласи денеска на социјалните мрежи и предизвика дополнителен гнев од шпанската јавност.
„Голчиште. Вака секогаш се играше на плажата Копакабана“, напиша Винисиус со видеото од синоќешниот гол, а потоа на негова сметка започна лавина критики.
Многумина велеа дека арогантниот Бразилец воопшто не требало да го објави коментарот и видеото, односно дека требало да молчи.
Golazo!!! Así lo hacía siempre en la playa de Copacabana 😮💨 https://t.co/RRojbgTgIs
— Vini Jr. (@vinijr) January 22, 2024
