Домашниот фаворит Јаник Синер со победа го отвори Завршниот мастерс во Торино. Во „Црвената група“, Синер го победи Стефанос Циципас со 2:0.

Четвртиот тенисер на АТП листата до победата дојде за 86 минути игра. Италијанецот двата сета ги доби со 6:4.

Синер одигра речиси совршен меч, одлично сервираше и максимално ги користеше брејк шансите. Од друга страна на Циципас не му дозволи ниту една брејк топка.

Во втриот меч од оваа група, вечерва ќе играат Новак Ѓоковиќ и Холгер Руне.