Шкупи го победи акруелниот шампион Струга Трум Лум со 2:0, со головите на Куевен во 52.минута и на Арби Воша во 90.минута во најинтересниот дуел од 9.коло во Првата фудбалска лига.
Стружани половина час играа со фудбалер помалку поради исклучувањето на Христијан Георгиевски, а Кристијан Трапановски во 63.минута не реализира пенал. Сепак, Арби Воша во 90.минута го потврди триумфот.
https://topsport.mk/wp-content/uploads/2023/10/skupi-so-struga-tl.mp4
Шкендија падна од врвот на табелата откако не помина убаво во Гостивар. Тимот на Ардијан Нухиу во финишот се спаси од пораз и одигра 2:2. Ијаји Атиемвен го отвори резултатот во 12.минута, а израмни Енур Тотре од пенал во 24.минута. Сепк, Алпер Потук во 45.минута постигна втор гол за Гостивар. Шкендија се спаси од пораз во 89.минута со голот на Клисман Цаке.
Брегалница и Вардар ремизираа без голови. Штипјани не успеаја да слават, а најтрофејниот клуб и натаму е на дното на табелата.
Работнички славеше во пресметката против Тиквеш. На стадионот „Борис Трајковски“ во Маџари, мечот заврши со триумф на “романтичарите” од 1:0. Атдхе Мазари во 21.минута го искористи невниманието во гостинската одбрана и го постигна победничкиот гол.
Во Кратово, Силекс оствари триумф над Воска со 4:2. Марко Ѓорѓиевски беше двоен стрелец за Силекс, серијата ја отвори Зајиќ, а погоди и Каланоски. Двата гола за Воска ги постигна Марушиќ.
Вчера, Македонија ЃП славеше против Брера со 1:0.
