Италијанскиот тренер Маурицио Сари одбил понуда од Нотингем Форест. „Шумарите“ на поранешниот тренер на Лацио му понудиле тригодишен договор.

Сари си поднесе оставка како тренер на Лацио на 13 март по серија од четири порази во сите натпреварувања.

Како што пренесува „Спорт Италија“, неколку дена по заминувањето од Лацио, челниците на Нотингем Форест стапиле во контакт со претставниците на 65-годишниот тренер за да се информираат дали тој сака веднаш да го преземе тимот.

Сари не бил заинтересиран, бидејќи сака да направи пауза од неколку месеци пред да одлучи за иднината. Се шпекулира дека Сари би можел да ја преземе Фиорентина.