Германскиот ракометен бундеслигаш Рајн Некар убедливо го победи РК Вардар со 25:34 во СЦ „Јане Сандански“, во првиот натпревар од плејоф колото за пласман во групите од Европската ЕХФ лига. Со подобра игра во второто полувреме, Германците создадоа голема предност пред реваншот. Јасно е дека Вардар нема да биде дел од групите во ова натпреварување.

Реновираниот тим на Владо Недановски имаше сили за отпор само во првото полувреме. Рајн Некар имаше три гола позитива, но „црвено-црните“ на полувреме сепак заминаа без негатива (14:14).

Но, почетокот на вториот дел беше кобен. Рајн Некар направи голема серија и го реши мечот.

Гостинскиот голман Апелгрен имаше 11 одбрани, а Кнор постигна осум гола.

Најефикасни кај РК Вардар 1961 беа Срдановиќ и Лазаревски со по пет гола.