Неверојатен натпревар полна со пресврти и со осум гола и гол за нереални 4:4 во 97.минута, се одигра во првото коло од Бундес лигата. Фудбалерите на Аугсбург на домашен терен губеа со 0:2 од Борусија Менхенгладбах во 27. минута, 1:3 во 37. минута, а откако домашниот тим направи нестварен пресврт, гостите бод спасија во 97.минута од натпреварот.

Меѓутоа, додека овие два клуба го играа еден од најспектакуларните натпревари во последно време, надвор од стадионот се случи бизарен инцидент.

Имено, еден полицаец, наводно, случајно пукал во комбето на навивач на Борусија. За среќа во моментот на инцидентот немало никој во комбето, но од истрелот се здобиле со траума тројца полицајци, додека еден се здобил со гребаница.

Според полицискиот извештај, до пукањето дошло околу 17 часот и 30 минути, веднаш по завршувањето на средбата, а освен комбето било оштетено и едно полициско возило.