Атмосферата околу англиската фудбалска репрезентација се вжешти откако, само 48 часа по објавувањето на списокот на селекторот Томас Тухел, дури пет играчи го откажаа својот настап.
Официјалните објаснувања на клубовите главно се однесуваат на полесни повреди и физичка исцрпеност, но дел од англиските медиуми веќе шпекулираат дека серијата откази би можеле да бидат поврзани со односот меѓу играчите и германскиот стручњак.
Сепак, засега нема потврда дека станува збор за организиран бојкот.
Отсуството на Кол Палмер привлече најголемо внимание. Фудбалерот на Челзи е повторно на списокот на Тухел откако неговото изоставување од Светското првенство предизвика многу контроверзии. Сепак, селекторот на прес-конференцијата изјави дека Палмер „има многу да докаже и да го подигне нивото на својата игра“.
Само два дена подоцна, Палмер го откажа своето доаѓање во репрезентацијата, објаснувајќи дека има проблеми со мускулите.
Играчот од средниот ред на Арсенал, Деклан Рајс, кој ги одигра сите 90 минути во поразот од Брајтон минатиот викенд, исто така пријави проблеми. Арсенал сè уште официјално не ја објавил природата на неговата повреда, додека британските медиуми објавуваат дека Рајс во моментов не подготвен.
Тухел нема да може да смета на двајцата играчи на Манчестер Јунајтед, Маркус Рашфорд и Коби Маину, како и на дефанзивецот на Њукасл, Тино Ливраменто.
Менаџерот на Манчестер Јунајтед, Мајкл Карик, по нерешениот резултат со Фулам изјави дека Рашфорд почувствувал „извесна непријатност“, додека Меину бил испратен на дополнителни медицински прегледи веднаш по натпреварот.
Ливраменто, за разлика од другите играчи, го пропушти претходниот натпревар со Њукасл, а оваа сезона сè уште не започнал ниту еден натпревар.
Вниманието на јавноста го привлекува и фактот дека Тухел, по отказите што ги доби, повика само двајца нови играчи – Морган Гибс-Вајт од Нотингем Форест и Џејмс Гарнер од Евертон.
Англиските медиуми оценуваат дека ситуацијата во националниот тим е напната, особено имајќи го предвид добро познатото инсистирање на Тухел на дисциплина и авторитет.
Англија има голем тест против актуелниот светски шампион Шпанија во сабота, по што следат натпревари против Чешка и Хрватска.
Foto/ Depositphotos
