Амар Осим, фудбалски тренер и син на легендарниот Ивица Осим, работи како стручен консултант за телевизијата БХТ 1 за време на Европското првенство.
Човекот кој со Железничар од Сараево освои пет титули и четири купа остро го критикуваше настапот на српската репрезентација на натпреварот против Словенија.
„Има многу недостатоци во играта на Србија, организацијата, дисциплината… Прелесно е да се зборува за тоа од овде, но има многу нелогичности. Има многу квалитет, талент и желба, се бореа до крај, веруваа дека можат да се вратат и се вратија, но и беа многу неорганизирани“.
Освен тоа, тој го критикуваше српскиот тренер Драган Стојковиќ Пикси дека не му дава можности на Лазар Самарџиќ (22), талентираниот играч за врска на Удинезе.
„Самарџиќ не ви е опција, а игра во Удинезе… Тој е помлад од овие главни играчи и игра во подобра лига од турската или саудиската. На крајот, тој направи нешто. Неговата лева нога е добра колку онаа на Тадиќ, а другите мора да играат за Србија затоа што некакви ѕвезди иако не се компатибилни.”
Осим е изненаден и од тактиката, играч кој се слуши со десна нога да игра како лев бек и обратно.
„Тоа за мене е новост. Никогаш во животот не сум видел некој во формација 3-5-2 да игра со двајца бекови со контра нозе, а во исто време имате двајца напаѓачи чии најдобар квалитет е играњето во шеснаесетникот на нафрлени топки. ”
Тој жестоко ја прокоментира и големата грешка на Сергеј Милинковиќ-Савиќ кога Србија прими гол, кога стрелец беше Жан Карничник, играчот на Целје.
„Во истата акција го имате Карничник од Словенија кој игра за 50.000 евра годишно и Сергеј Милинковиќ-Савиќ од Србија чија годишна плата не можам ниту да ја замислам. И се случува она што се случува. Карничник оди до крај, а овој мисли ‘кој е овој, зошто ја би го чувал него…’“, заклучил Осим.
